腰椎間盤突出症

背痛 腰椎間盤突出症

病案:

背痛 腰椎間盤突出症  患者係一個58歲嘅退休人士,之前係一位水警,專門係海上反走私既小艇隊,唔係講笑,當年係海上大風大浪追遂走私大飛,好危險,好傷脊椎,個個都戥到散哂。

夏天日曬雨淋,冬天又比北風吹到騰騰震,當年後生頂得住,自己仲覺得好爽,好刺激。紀律部隊嘅退休年齡係55歲,無諗到退休後就大鑊啦,睇足兩年醫生,頸痛、背痛、腰痛,最後連腳都麻痺。入咗醫院照磁力共振,係“坐骨神經痛”、腰椎間盤突出症,頸椎、胸椎、腰椎都退化,生哂骨刺,需要開刀做手術,又唔知開得邊度好,咁多地方都有問題。病人又怕開刀,由舊同事介紹嚟睇針灸治療,當時病人講到症狀時情緒激動,又痛又痺好辛苦,頂唔順,好想死,又唔捨得太太,因為太太對佢不離不棄,到處陪佢睇醫生。

原來患者唔單止有腰腿痛症,仲有焦慮症和抑鬱症。請注意,香港慢性痛症患者當中71%有焦慮或抑鬱症或兩者都有,38%工作受到影響或申請病假。要解決焦慮或抑鬱症首先要解決咗疼痛,無咗疼痛,自然情緒就會好,檢查診斷後馬上有了治療方案,我同病人講:「如果唔想開刀,針灸治療加上推拿正骨復位是最好的方法,我學的專業就是不開刀。」治療幾次後,病人好返好多,又積極配合治療,常游水,熱敷患處,令到症狀越來越好,很快就康復了。再叮患者退休後一定要搵嘢做,搵嘢學,做兼職都好,做義工都好,如果唔係成日都會睇醫生,男人58歲係黃金期啦!

治療方法

1. 推拿:手法放鬆腰部臀部勞損和僵硬肌肉。
2. 正骨:復位手法解除小關節的錯位及腰盤的偏歪,減低受壓神經。
3. 針灸:取穴腰部臀部壓痛點。穴位通經絡,改善血液循環,損傷部位得到修復修補,有止痛消水腫功效。
4. 內服中藥:氣滯血瘀型:宣活血舒筋 ‚
寒濕痺阻型:宜袪濕散寒,宣痺活絡 ƒ
肝腎虧虛型:宜補養肝胃,活血通絡。
針灸取穴效果最佳,再外敷跌打消腫藥膏,內服活血化瘀止痛丸和健脾舒肝丸。

溫馨提示

腰椎間盤突症若果再嚴重既話,會令到患肢的髁關節不能背伸,或者影響到大小便失禁,患肢肌肉嚴重萎縮,如果有這樣的症狀,就一定要開刀手術治療。一般的椎間盤突出症是不需要開刀手術的,保守治療不開刀,主要是靠針灸治療,和內服湯藥,患者自己可做的就是熱敷,用暖水袋或用電熱巾敷患處腰部,要戒辛辣、酒類、煎炸、濕毒等食物,宜加強游水,如唔識游水,就踢水或在水中步行。

注意保暖,此症患者怕落雨天、潮濕天或怕冷氣吹到受寒,在有疼痛水腫期,宜多卧床休息,減低腰椎受壓迫,不能拎重物和跑跳運動,不能坐軟梳化,和瞓太軟床墊,平時工作時要帶腰箍保護腰部,瞓覺時不需要帶,如果患者肯遵守配合,一定康復得快好多。在這裡再講一講,點解針灸有效,關鍵是要針刺得準,針得到位,針灸可以刺激訊息傳到大腦,可令到大腦的內分泌、腦嗎啡,產生止痛,可令到免疫細胞、淋巴細胞、白血球、吞噬細胞,直接到達患處消炎、消腫、修補損傷部位,令到椎間盤收縮,不再壓迫神經,所以係一個治療的好好方法,又沒有副作用,最主要的就是心理怕針的問題,當然一定要講醫師的手勢和水平。

2018-10-05T14:19:57+00:00